Page 5 - Forsvarets forum 4-2016
P. 5
Biletet:
«Bloody Saturday» er det mest publiserte biletet i
Vesten frå den andre japansk-kinesiske krigen. Biletet
skapa ei kraftig negativ haldning i den vestlege verda
mot den aggressive offensiven mot Kina frå keisar-
dømet Japan. Det er teke på ein jernbanestasjon i
Shanghai like etter at jagarbombarar frå den
japanske marinen gjekk til åtak mot byen. Den vesle
guten, som ifølgje pressemeldinga nettopp hadde
mista mor si og sjølv blitt brannskadd i åtaket, fekk
etter kvart førstehjelp, men den endelege lagnaden
hans er ikkje kjend i dag.
Dei japanske styresmaktene vart rasande da biletet
vart publisert, først i Randolph Hearsts aviser og
seinare blant anna i magasinet Life. Dei hevda at
fotografen Wong hadde arrangert det spesielt for å
fremje antijapansk opinion. Dei utlova ein dusør på
50 000 amerikanske dollar – i dagens verdi over fem
millionar kroner – for hovudet hans.
I ettertid er det fortalt at fotografen faktisk «lånte»
den vesle guten av faren som også var på jernbane-
stasjonen, og plasserte barnet ut i skjenegangen.
Elles er historia bak biletet stadfesta også ved bilete
av barnet som fekk førstehjelp av ein speidargut på
stasjonen.
Den andre japansk kinesiske krigen.
(7. juli 1937 – september 1945)
Etter Russlands nederlag i krigen mot Japan i
1904–1905 og herjingane til russarane i Mandsjuria
nordaust i Kina, fekk Japan innpass i området som
den militære stormakta landet etter kvart var blitt.
Det var stadige episodar der kinesiske og japanske
interesser stod mot kvarandre. Japan nytta
provokasjonar som førte til militære aksjonar,
japansk invasjon av Mandsjuria og i august 1937
ein fullskala krig.
Kjelder: famouspictures.com, wikipedia,
ARNE FLAATEN af@fofo.no
AUGUST 2016 5