Page 79 - Forsvarets Forum nr. 4 2020

ut desember som vi skal nå, fortel han. Innføringa av OMT betyr blant anna at fleire
offiserar må konvertere til spesialistsøyla. For nokre av dei kjennest det feil.
– Nokre har vore offiserar i fleire år og føler seg som offiser i stillinga si. Dei vil ikkje kon- vertrere, og det har eg stor respekt for. Eg har nylig konvertert sjølv, men for meg var det heilt naturlig. Handverket og oppgåvene til spesia- listane har alltid vore noko eg har brent for, og eg har vel alltid vore mest ein spesialist, seier han.
Auka ståtid. OMT er ei stor og omfattande end- ring, men om vi skal ta det ned til kjernen, er det eitt mål som er spesielt viktig: auka ståtid.
– For å få auka ståtid blant spesialistane må vi knekke koden og finne ein balanse mellom godt arbeidsmiljø, høge standardar, moglegheita for eiga kompetanseheving og ei lønnsutvikling som vil motivere til å bli verande, ifølgje Arild Edinsen.
Ikkje sliten. Høge standardar og vilje til å bli betre er verdiar Edinsen sett svært høgt. Han har sjølv opplevd kor viktig det er å trene og halde standarden oppe. I tida si i Kystjegerkom- mandoen hadde han to turar til Afghanistan og opplevde dagleg høg risiko.
– Det er menneskeleg å slakke på standar- den og desto viktigare å drille og trene for å unngå det. Eg såg det sjølv i Afghanistan. Vi var
i eit stridsområde, men det var varmt, og ting tok lang tid. Eg byrja å slakke og tok av meg hjelmen. Det hadde aldri skjedd under øving, men vi følte kanskje vi hadde «kontroll», fortel Edinsen.
Vilja til å bli betre er noko Edinsen har fått inn heilt sidan oppveksten. Far hans var fiskar og jobba mykje. Haldningane Edinsen har i dag, stammar mykje frå haldningane far hans hadde.
– Far min sa alltid: «Du er aldri sliten før job- ben er ferdig.» Det har eg tatt med meg uansett kva oppdraget mitt har vore, seier Edinsen.
Presse- og informasjonssoldat HELENE SYNES
FISKARLÆRDOM: Arild Edinsen siterer far sin: Du er aldri sliten før jobben er ferdig. FOTO: HELENE SYNES
AUGUST 2020 79